عدى بيا جسر الخوف
بحر الكلام نهر الحروف
عدى بيا و اعدى بيكى
اهة الم جرح الظروف
...عدى بيا ورق مكتوب
واجع راسى كله ذنوب
عدى بيا سنين و سنين
ماشية بيا زمن مقلوب
عدى بيا قصص اشباح
ظنون بتخلى طعم الجراح
مرة مرارة طعم الضلام
لكن كانت مشرط جراح
فتح قلبى شال السواد
بدل ضعفى حط العناد
بعزيمة قوية احارب جيوش
اسمك لوحده خيل و عتاد
اسمك صبر و قوة عزم
اسمك زيى لحم و دم
اسمك جرح و فرح و حب
اسمك حلم ف رحم الهم
صرخة الم مخاض الولادة
فارس حق ما يعرف هوادة
يهد جبال تجف له بحور
اتوضى بحروفه اصلى عبادة
_____________________ وليد
ليست هناك تعليقات:
إرسال تعليق